Advenit ecce! Novus divinus ritibus annus,
Quo laetum Christi grex Hosianna canit.
En! Ego mente tibi quanquam non corpore praesens
Devotum, mitis Rex, Hosianna cano.
Vivere tu nobis clemens hucusque dedisti,
Nos conservasti sub cruce, luce, tuâ.
Advenias, orbis Salvator, mentibus aegris,
Erige, laetifica, quos mala fata premunt.
Subvenias, mansvete Pater, languentibus aegris
Consolare, juva, quos mala facta premunt!
Advenias saevos belli sedare tumultus,
Tempora tu Princeps pacis amoena reduc!
Advenias rabidos Satanae compescere fluctus;
Queis sacram satagit mergere naviculam!
Advenias placidô vitâ nos solvere somnô,
Vel Judex mundi protinus advenias!
◀◀◀ 150
▶▶▶
Home
chresmos@gmail.com