In recens natum Perillustri domui septimum filiumEst vetus hoc verbum: Numero Deus impare gaudet,
Septenus felix creditur atque facer.
Impare gnatorum numero stirps incluta gaudet,
Stat septem fulcris firma vigensque Domus.
Septem Romulidum cinxerunt moenia colles,
Heic septem Franci culmina Montis habes.
Septenis Helice praefulget in aethere stellis,
Et cum contigui voluitur axe poli.
Sex heic spe certa stellae nituntur ad astra,
E medio coeli septima clara micat.
Tertria complendis numeris rediguntur in unum,
Atque novem cingi gaudet Apollo Deis.
Ecce duas septem Natis simul esse Sorores,
Sic stat concordi foedere juncta domus.
Tertria, bis quatuor, tria bis numeramus in uno,
Prospera quaeque addat multiplicetque Trias!
◀◀◀ 428
▶▶▶
Home
chresmos@gmail.com