BUDA CADIT!
CASU felici Buda RESURGIT
Turcaque
Cum gemitu fugit indignatus ad Orcum.
Spectat Exitium & Flammas Urbis
Excidium suorum
Trux Thracum Exercitus
Fremit, gemit, tremit, & fugit.
Urbs redit ad Dominum, qui fuit ante, suum.
Felix mutatio
Captivitatis in Libertatem
Superstitionis in Religionem,
Barbarae Tyrannidis in Mite Imperium!
ORIENTI
Sol oritur ab Austro:
Aperto Claustro
reperta Clavi
Ottomannici vasti Dominatus
mole ruentis sua
Majoribus via victoriis aperitur.
Oritur Bosphoro Phosphorus
Propinquae lucis nuncius
Orae Pannonicae Aurora:
Noctifugo Solis Austriaci Splendori
in ipso Pleni-Lunio Noctiluca Thracum Luna cedit.
Siderata Turcarum Arma
Veluti Sidera
Sub adventum Diei,
Toto fugiunt perterrita Coelo:
AQUILAE VICTRICIS:
non
Carmina, sed Arma
Coelo possunt deducere Lunam.
Vesirius: Vae! Sirius!
Syriae Canis, occidit.
Sol Augusti
Per Augustum in Leone Martio versatus
VIRGINEM
Secunda Septembris
Ante sesqui Seculum raptam
Secunda Septembris
Secundis ominibus
ingreditur.
SPICAMO Regia Spes & Sedes
Sub Bootis Barbari pede languentem
erigis.
Quam Ego
Post aliquot tua Regna videns mirabor Aristas!
Vivant Heroes Paranymphi
Tibi Constantinopolim, Solymas sociaturi!
VIVAT LEOPOLDUS
VICTOR! TRIUMFATOR!
◀◀◀ 394
▶▶▶
Home
chresmos@gmail.com